منتديات الشامل
مرحبا بك في منتديات Achaamel
لتتمكن من الإستمتاع بكافة ما يوفره لك هذا المنتدى من خصائص، يجب عليك أن تسجل الدخول الى حسابك في المنتدى. إن لم يكن لديك حساب بعد، نتشرف بدعوتك لإنشائه.




 

شاطر | 
 

 عيـــالات زمـــان ...!؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
وردة
avatar



مشرفة قسم
معلومات إضافية
تاريخ التسجيل : 22/12/2013
الجنس : انثى
النقاط : 1783
السٌّمعَة : 15
عدد المساهمات : 40
الموقع : منتديات الشامل
المزاج : الحمد و الشكر لله

http://achaamel.ahladalil.com/
مُساهمةموضوع: عيـــالات زمـــان ...!؟   الأربعاء 4 أكتوبر 2017 - 18:28

الحمّام
تجمعو النسوان فالعشية
فوسط الدار البلدية
ومن بعد التخمال والتعزاف
والتسياق والتجفاف
وحكان مواعن الفضة والنحاس
تّافقو يمشيوْ للحمّام
نهار الخميس
...…
حمام النسا
ماشي غير فوطة وصابونة
وشلّل تشليلة
هاد التحميمة خاصها التوجاد
لّي تبان فيه لحداكٌة والتتويلة
...…
مشاو لعيالات
كل وحدة توجد راسها
خاصها اتباها وسط جاراتها
وصحاباتها وناسها
...…
توجّد التحتية
والقفطان والمنصورية
السروال قندريسة
المضرّس أحسن تضريسة
الفوطة دالراس مطروزة
والسبنيّة بلهدوب مفروزة
المضمة ديال لحرير
فلون اللبسة والشربيل
بلا ما تنسى التخمال
رمز لحداكٌة والتّتوال
وجوج فوطات كبار
مزينين بالدونطيل والتْكرار
...…
هادشي كلو تعطّرو
وتبخرو
وتطويه
وفالتكميسة المطروزة
تجمعو وتلوّيه
...…
السطيلة د النحاس
والطاسة حتى هيا
المشطة ديال الكٌرن
لّي فيها لمعلم تفنّن
الصابون البلدي
والحجرة د الحكان
الكيس المصنوع من خيوط لحرير
والغاسول لّي حكايتو حكاية
لازم يكون مصيّق بعناية
...…
بالخزامة والزعتر
والريحان والحرمل
والورد والقرنفل
...…
يتغلاّو ويتصفّاو
ويتفزّكٌ بماهم الغاسول
ويتصيّق بليديدات
وفالشمس يتسرّح ويتّطلق
حتى ييبس يوَلّي شْقيفات
يتجمعو ويتخبعو
...…
وفالحمام يبان غاسول الحادكٌات
من الرطوبة
والريحة لمعطرة
والغاسول المشكور
هو لّي يرطب الشّْعور
ويزيّن سوالف لحرير
لّي تخلّي لعقول تحير
...…
وباش البشرة تكون صافية
والوجوه منوّرة وباهية
لازم من الوصفة السحرية
لي تعرفها كل سلاوية و رباطية
المكونة من الليمون الدّق
والعكار الفاسي
تورّد لخدود
وتحمّر الشفايف
وتخلّي من هواهم تالف
...…
وباش تزيان التبسيمة والضحكة
لازم السنينات تكون بالسواك محكوكة
...…
والخرجة من الحمام ماتكون متوّلة
إلاّ إلى كانت لعوينات مكحّلة
والكحول المدقوق ع اليد
ومحفوض فالمكحلة وبالمرود
...…
والكحول باش يكون على حقّو وطريقو
لازم الشريفة هي لّي تدقّو
فنهار صافي مافيه غيام
وتكون جات من الحمام
وتجمعلو قوامو بالتمام
...…
العوسج ومصلح النضر
عضام الزيتون
وعضام التمر
ويلا بغات الزروقية
تزيد النِّيلة
ويلا بغات لكحول يكون حار
تزيدو حبيبات دلبزار
...…
تغلّي حجر لكحول
فالزيت البلدية
وتحرق لقوام
وتدق كلشي
فمهراز دالنحاس
يلمع بلا قياس
وتغربلو فكتان رقيق
حتى يولي رطب
بحال الدقيق
...…
ودابا الرزمة محزومة
والسطيلة مقيومة
ما بقى لّعيالات
غير يلبسو الجلابة واللتام
ويمشيو للحمام
عشية الخميس
ليلة الجمعة
وفنهار الجمعة
كتحلى الجمعية
وفيها مولفين يديرو العشويّة
...…
إدن موعدنا معاهم فالعشوية
وما أدراك ما العشوية
نروِيوْ حكايتها بإذن الله

منقووووول
توقيع العضو(ة): وردة


رضيت بالله ربا 
و بالإسلام دينا 
و بمحمد صلى الله عليه و سلم 
نبيا و رسولا. 
الرجوع الى أعلى الصفحة اذهب الى الأسفل
 
عيـــالات زمـــان ...!؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشامل :: منتدى الأسرة و المجتمع :: قسم الدردشة النسائية-
انتقل الى: